واقف في حاجة؟ اكتبها هنا.

البرنامج جديد ولسه ويندوز مش متعود عليه، فممكن يظهرلك تحذير أزرق أول مرة. ده طبيعي والبرنامج آمن.

1. افتح ملف التسطيب اللي بعتناهولك.
2. لو ظهرت رسالة Windows protected your PC، دوس على More info.
3. هيظهر زرار Run anyway، دوس عليه.
4. سيب اختيارات التسطيب زي ما هي ودوس Next ثم Install ثم Finish.
5. هتلاقي أيقونة MONTAX RESTO على سطح المكتب.

1. ادخل على الإعدادات من القايمة اللي على الجنب.
2. في كارت بيانات المطعم اكتب اسم المطعم والفرع والتليفون ورسالة آخر الفاتورة. دول بيظهروا على الفاتورة.
3. في كارت الحسابات ظبّط نسبة الضريبة ونسبة الخدمة للصالة وعدد الطاولات.
4. أي حاجة بتكتبها بتتحفظ لوحدها أول ما تخرج من الخانة.

1. أول ما البرنامج يفتح بيسألك: مين الكاشير دلوقتي؟
2. لو مفيش موظفين متسجلين، الكاشير يكتب اسمه ويدوس دخول.
3. لو المدير سجّل الموظفين، دوس على اسمك، ولو ليك رقم سري اكتبه.
4. علشان كاشير تاني يستلم، دوس تبديل تحت في القايمة اللي على الجنب.

نصيحة: كل طلب بيتسجل باسم الكاشير اللي عمله، وبيظهر في التقارير.

1. ادخل على الإعدادات، وانزل لكارت الموظفين.
2. اكتب اسم الموظف، ورقم سري من 4 أرقام لو حابب، واختار الصلاحية مدير أو كاشير.
3. دوس إضافة.
4. من دلوقتي شاشة الدخول هتظهر أسماء الموظفين بس.

1. من البيع السريع اختار نوع الطلب فوق: داخل الصالة أو تيك أواي أو دليفري.
2. للصالة اختار رقم الطاولة وعدد الأفراد.
3. دوس على الأصناف علشان تتضاف للطلب، وكل دوسة بتزود واحد.
4. غيّر الكمية بعلامة + و −، أو احذف الصنف بأيقونة السلة.
5. دوس دفع أو F9 لما الطلب يخلص.

نصيحة: تقدر تدور على أي صنف بسرعة بزرار F2.

1. بعد ما تضيف الصنف للطلب، دوس + إضافة ملاحظة تحته.
2. اختار الملاحظات اللي عايزها.
3. الملاحظات بتتطبع على طلب المطبخ وبتظهر على شاشة المطبخ.
4. علشان تغيّر الملاحظات الجاهزة، ادخل الإعدادات واكتبها في خانة ملاحظات الأصناف الجاهزة وافصل بينهم بفاصلة.

1. دوس دفع أو F9.
2. اختار كاش أو فيزا أو إنستاباي.
3. لو كاش، اكتب اللي الزبون دفعه من لوحة الأرقام أو دوس على مبلغ جاهز، والباقي هيظهر لوحده.
4. دوس تأكيد الدفع والطباعة، والفاتورة هتتطبع.

نصيحة: الخصم بتختاره قبل الدفع من الأزرار اللي جنب كلمة خصم.

1. لو الطاولة طلبت ولسه مدفعتش، دوس تعليق.
2. الطلب بيتحفظ في الطلبات المعلقة فوق.
3. لما يطلبوا الحساب، دوس الطلبات المعلقة واختار فتح.
4. لو فيه طلب تاني مفتوح، البرنامج بيعلّقه لوحده ويفتحلك اللي اخترته.

1. ادخل على الطلبات.
2. اكتب رقم الطلب في خانة البحث، أو اختار اليوم.
3. دوس تفاصيل علشان تشوف الطلب، أو طباعة لنسخة من الفاتورة.
4. دوس إلغاء علشان تلغيه، والطلب بيتشال من المبيعات والخامات بترجع للمخزون.

1. اتأكد إن الطابعة شغالة وفيها ورق ومتوصلة بالكمبيوتر.
2. جرّب تطبع صفحة تجربة من إعدادات ويندوز للطابعة دي.
3. من ويندوز خلّي طابعة الكاشير هي الطابعة الافتراضية (Default).
4. في البرنامج دوس طباعة على أي طلب، وهيسألك على الطابعة، اختار طابعة الكاشير.
5. لما تشتغل معاك، تقدر تفعّل من الإعدادات: اطبع على طول من غير ما تسألني.

نصيحة: الفاتورة معمولة على ورق 80 ملي، وده مقاس أغلب طابعات الكاشير.

1. دوس للمطبخ في شاشة البيع، وطلب المطبخ هيتطبع من غير أسعار.
2. لو زودت أصناف بعد كده ودوست للمطبخ تاني، هيتبعت الزيادة بس ومكتوب عليها إضافة على الطلب.
3. علشان يتبعت للمطبخ لوحده مع الدفع، فعّل من الإعدادات: ابعت للمطبخ لوحده لما أدفع.

1. ادخل الإعدادات، وفي كارت المطبخ اختار شاشة المطبخ بس، أو شاشة المطبخ + ورق.
2. لو عندك شاشة تانية متوصلة بالكمبيوتر، دوس افتح شاشة المطبخ على شاشة تانية.
3. لو تابلت في المطبخ، وصّله على نفس الواي فاي، وافتح المتصفح واكتب العنوان اللي ظاهر في الإعدادات.
4. في شاشة المطبخ دوس تشغيل الصوت علشان يرن مع كل طلب جديد، وشاشة كاملة.

نصيحة: الشيف لما يدوس جاهز، الكاشير بيسمع تنبيه ويظهرله زرار جاهز للتسليم.

1. اتأكد إن البرنامج مفتوح على جهاز الكاشير، وإن طريقة المطبخ مش على ورق مطبوع بس.
2. اكتب العنوان اللي ظاهر في الإعدادات بالظبط، لأن كل جهاز ليه رقم مختلف.
3. اتأكد إن التابلت على نفس شبكة الواي فاي بتاعة جهاز الكاشير.
4. جرّب على جهاز الكاشير نفسه العنوان http://127.0.0.1:7878، لو اشتغل يبقى المشكلة في الشبكة بس.
5. لو ويندوز سألك عن السماح للبرنامج بالشبكة، اختار السماح للشبكات الخاصة.

1. ادخل على المنيو.
2. في إضافة صنف جديد اكتب الاسم والسعر واختار القسم ودوس إضافة.
3. لقسم جديد اكتب اسمه في خانة قسم جديد ودوس إضافة قسم.
4. لتغيير سعر أو اسم، اكتب في الجدول على طول ودوس بره الخانة، هيتحفظ.
5. شيل علامة متاح علشان تخفي صنف خلصان من غير ما تمسحه.

1. ادخل على المنيو ودوس تحميل ملف نموذج.
2. املا الملف: القسم، والصنف، والسعر.
3. دوس اختار ملف إكسل واختار الملف.
4. هيظهرلك مراجعة: كام صنف جديد وكام سعر هيتحدث وأي سطر فيه مشكلة.
5. اختار إضافة وتحديث، أو استبدال المنيو كله لو مطعم جديد.

نصيحة: زرار تصدير المنيو الحالي لإكسل بيسهّل تغيير الأسعار كلها مرة واحدة.

1. ادخل على المخزون، تبويب الخامات.
2. اكتب اسم الخامة ووحدتها والكمية الحالية وحد التنبيه وتكلفة الوحدة ودوس إضافة.
3. لما تشتري كمية دوس شراء، وتقدر تسجلها في المصروفات لوحدها.
4. للهالك دوس هالك، وللجرد دوس جرد واكتب الكمية الموجودة فعلاً.
5. لما خامة توصل لحد التنبيه، يظهر فوق زرار أحمر نواقص المخزون.

1. ادخل على المخزون، تبويب وصفات الأصناف.
2. اختار الصنف من القايمة.
3. اختار الخامة واكتب الكمية في الواحد ودوس إضافة مكوّن. مثلاً نص فرخة = 0.5 لو الفراخ بالكيلو.
4. هتشوف تكلفة الصنف وهامش ربحه، ومع كل بيع الخامات بتتخصم لوحدها.

1. العملاء بيتسجلوا لوحدهم من طلبات الدليفري.
2. في الدليفري، أول ما الكاشير يكتب رقم عميل قديم، اسمه وعنوانه بيظهروا.
3. لتعديل أي بيانات، ادخل العملاء واكتب في الجدول ودوس بره الخانة.
4. تقدر تضيف رقم تاني أو واتساب لكل عميل، والبحث بيشتغل بالرقمين.

1. ادخل على المصروفات.
2. اختار التاريخ والبند واكتب المبلغ وملاحظة لو حابب.
3. لو المصروف اتدفع من درج الكاشير، سيب علامة اتدفع من درج الكاشير، فيتخصم من الكاش المتوقع في الوردية.
4. دوس تسجيل.

1. دوس تقفيل الوردية تحت في القايمة اللي على الجنب.
2. هتشوف عدد الطلبات والمبيعات بكل طريقة دفع، والكاش المفروض يكون في الدرج.
3. دوس طباعة وتقفيل الوردية.
4. البرنامج بيرجع لشاشة الدخول علشان الوردية الجديدة تبدأ باسم صاحبها.

1. ادخل على التقارير.
2. اختار الفترة من وإلى، أو دوس النهارده أو امبارح أو آخر 7 أيام أو الشهر ده.
3. هتشوف المبيعات والضريبة والمصروفات وصافي الربح.
4. وتحت: المبيعات حسب الدفع ونوع الطلب والكاشير، والأكثر مبيعاً.

1. ادخل الإعدادات، كارت الترخيص.
2. دوس نسخ جنب كود الجهاز، وابعتهولنا على الواتساب.
3. هنبعتلك كود الترخيص، الصقه في خانة كود الترخيص.
4. دوس تفعيل البرنامج.

نصيحة: لو التجربة خلصت، البيع بيقف بس، وكل طلباتك وتقاريرك بتفضل موجودة.

1. الرسالة دي بتظهر لما تاريخ أو وقت الجهاز يرجع لورا.
2. ظبّط التاريخ والوقت من إعدادات ويندوز، ويفضل تفعيل الضبط التلقائي.
3. اقفل البرنامج وافتحه تاني.

1. البرنامج بيعمل نسخة احتياطية لوحده كل يوم، وبيحتفظ بآخر 30 يوم.
2. من الإعدادات، كارت البيانات والدعم الفني، دوس فتح فولدر البيانات.
3. خد نسخة من الفولدر ده على فلاشة كل فترة.
4. لو هتغيّر الجهاز، كلّمنا وإحنا ننقلك البيانات والترخيص.

1. دوس وضع فاتح أو وضع غامق فوق في البرنامج.
2. اختيارك بيتحفظ لوحده.