MONTAX RESTO، جرّبه شهر مجاناً.

أول ما تفتحه: اكتب اسمك

البرنامج هيسألك مين الكاشير. اكتب اسمك ودوس دخول. بعدين تقدر تضيف كل الموظفين بأسماءهم وأرقام سرية من الإعدادات، وكل واحد يدخل باسمه.

ظبّط بيانات مطعمك

1. ادخل على الإعدادات من القايمة.
2. اكتب اسم المطعم والفرع والتليفون ورسالة آخر الفاتورة. دي اللي بتظهر على الفاتورة.
3. حط نسبة الضريبة ونسبة الخدمة وعدد الطاولات. لو مش بتاخد ضريبة أو خدمة اكتب 0.
4. الطابعة: خلّي طابعة الكاشير هي الطابعة الافتراضية في ويندوز، وفعّل اطبع على طول علشان الفاتورة تطلع من غير أسئلة.

دخّل المنيو بتاعك

البرنامج نازل بمنيو تجريبي علشان تجرب عليه. عندك طريقتين تحط أصنافك:

1. بإيدك: من المنيو اكتب اسم الصنف وسعره واختار القسم ودوس إضافة. وتقدر تعمل أقسام جديدة.
2. من إكسل (الأسرع): من شاشة المنيو دوس تحميل ملف نموذج، واملاه بـ 3 أعمدة: القسم والصنف والسعر. بعدين دوس اختار ملف إكسل وراجع وأكّد.

نصيحة: عند تأكيد الإكسل اختار استبدال المنيو كله علشان المنيو التجريبي يتمسح ويفضل منيوك بس.

أول طلب ودفع

1. من البيع السريع اختار نوع الطلب: صالة، تيك أواي، أو دليفري.
2. دوس على الأصناف، وتقدر تضيف ملاحظة لأي صنف.
3. دوس دفع أو زرار F9، اختار كاش أو فيزا أو إنستاباي، واكتب المبلغ اللي الزبون دفعه. الباقي بيتحسب لوحده.
4. دوس تأكيد الدفع والطباعة، والفاتورة تطلع على طول.

شاشة المطبخ (لو محتاجها)

1. من الإعدادات ← المطبخ، اختار طريقة إرسال الطلبات: ورق مطبوع، أو شاشة، أو الاتنين.
2. لو عندك شاشة تانية متوصلة بالجهاز، دوس افتح شاشة المطبخ على شاشة تانية.
3. لو تابلت في المطبخ، وصّله على نفس الواي فاي وافتح العنوان اللي البرنامج بيكتبهولك في المتصفح.